Amakuru

Uw’ubwiza buzira ubwandu,                                                                                           

Uwo ineza yasaze atuje,

Bwiza rorero ry’abeza,

Sugi riseka   ridasusumira,

Sura isuma      ineza.

Wowe nahaye umutima wanjye,

Sumo risuma ridasakuza,

Simbi ryo kuri Kalisimbi,

Susa ridatuma nsuherwa,

Humeka utuze uturize mugituza cy’

Uwagukunze.

Iyaguhanze   yaragutatse,

Iguha uburanga butangaje,

None rero Jabiro ryanjye,

Jabo Janjagiro ry’ibyiza,

Mara impumu umpumurize;

Ushire impumu uhumeke utuze,

Ushire irungu ngusenderezemo

Umunezero mu bwatsi butoshye

Bw’umutima    ugukunda utaryarya.

Mukundwa   wanjye,

Juru risendereye ibyishimo,

Nziko urwo ngukunda,

Rundutira byose na bose,

Niyo mpamvu   turuha

Agaciro nkak’isaro ryiza

Shira impumu ugubwe neza,

Sinzaguhemukira na rimwe,

Niyo najya kure yawe,

Sikure y’umutima ndabizi,

Umutima ugukunda ntutuza.

Paradizo nziza tuziberamo,

Nzakwereka          ibisiza,

Nkwereke              ibibaya,

Nkereke ibiti by’inganzamarumbo,

Nkwereke   ibyiza   byose.

Abivugira      barivugira,

Abisekera bakisekera,

Abarushywa n’ubusa bo ni benshi,

Kuko kuba kwisi ntagufite,

Ninko kuba mu ijuru ritagira abamarayika.

Egera hino nguhe akabanga,

Ngutume inyanja itagira umwaro,

Ngutume ishyamba inyuma y’ishyanga,

Ngutume ineza yose nshire agahinda,

Urukundo rwawe rundutira byose.

Yari Umusizi:

 Jean Paul BUJYACYERA a.k.a Gutermann

                         P.o.Box:1320 Kigali,

                        Rwanda

                        Tel:+250782268218        

                               +250725495772  

                         Email:jbujyakera@yahoo.com